Враќање и рекламации

Согласно Законот за заштита на потрошувачите (чл. 127), купувачот има право да се откаже од договор склучен на далечина во рок од 14 дена од денот кога тој (или трето лице определено од него, освен превозникот) стапил во физички посед на производот, без наведување причина.

Откажувањето се врши со недвосмислена изјава испратена пред истекот на рокот — по е-пошта на contact@bioshop.mk или orders@jfenzi.mk, по пошта, или со пропишаниот образец за повлекување. Образецот можете да го побарате на истите адреси и ќе ви го доставиме.

Правото на откажување не важи за оригинално запечатени производи кои поради заштита на здравјето или од хигиенски причини не се погодни за враќање, ако се отпечатени по испораката (чл. 133 ст. 1 т. 5 од ЗЗП). Тоа значи: неотворен парфем со неоштетен заштитен печат може да се врати во рокот од 14 дена; парфем отпечатен по приемот не може.

По прием на изјавата за откажување, средствата се враќаат без одлагање, а најдоцна во рок од 14 дена, вклучувајќи ги и трошоците за достава (чл. 130 од ЗЗП). За нарачки платени при достава (откуп), повратот се врши на трансакциска сметка што ќе ја достави купувачот.

Повратот може да се задржи додека производот не биде вратен или додека не се достави доказ дека е испратен.

При откажување од договорот по желба на купувачот, директните трошоци за враќање на производот ги сноси купувачот (чл. 131 од ЗЗП — со оваа информација купувачот е однапред известен).

Адреса за враќање: БИОШОП ДООЕЛ Скопје – Е-ПРОДАВНИЦА, ул. Првомајска бр. 140, Скопје – Кисела Вода.

За погрешно испратен, оштетен или несообразен производ, трошоците за враќање ги сноси продавачот.

За оштетување при транспорт или погрешно испратен производ, контактирајте нè веднаш по приемот — по телефон на +389 71 333 293 или по е-пошта на orders@jfenzi.mk. По проверка, производот се заменува или средствата се враќаат, без трошок за купувачот.

Продавачот одговара за несообразност на производот што ќе се појави во рок од две години од испораката (чл. 107 од ЗЗП). За остварување на овие права, купувачот треба да го извести продавачот за несообразноста во рок од 60 дена од денот кога ја открил (чл. 106 од ЗЗП). Купувачот има право, без надомест, на отстранување на несообразноста со поправка или замена, а потоа на соодветно намалување на цената или раскинување на договорот (чл. 102–105 од ЗЗП).

Приговор може да се поднесе на contact@bioshop.mk или orders@jfenzi.mk, по пошта на адресата на седиштето, или телефонски. Надзор над примената на прописите за заштита на потрошувачите врши Државниот пазарен инспекторат.